بيرعمـــــــــوردوكي قاليبدي آلا گوزلرينده گــــوزلر
چوخ عجب دييل كي مندن آلا گــــــــوزلرينده گوزلر
بيليرم كي گوزله ييبسن منــــي،سوزلرين گواهدي
دئگوروم مني سوزون تك ،آلا گوزلرينده گوزلــــر؟
نئچه ركعت اولسا اولسون گوزوون شوكور نامازي
اوني دستمـــــــــــــاز آليبكي ،قئلا گوزلرينده گوزلر
گمي ديردنـــيزده ،سنسيز نئجه ساحيله يئتيشسين
سني گوزله يير كي لنگرسالا گوزلـــــــرينده گوزلر
سني گورمه يينجه گورمز ائله بيل گوزوم گوزوندي
نه يامـــــــــــــان قئفللانيبدي دالا گوزله رينده گوزلر
گلـــه سن ،بو پاسلي كونلوم دئيه بير بير اوز غميندن
بوغازي قه هر دوتاندا دولا گـــــــــــوزلرينده گوزلر
باخئشـــين سنين پته دي ،بو گوزوم هوسلي ميلچه ك
آري دان ايراق باتيبدي بالا گوزلرينـــــــــــده گوزلر
bölümlər: şerlər