گوزلرين آچ بير گئجه تا من گوروم ميخانه ني
دونياني ترك ايلييپ من دولدوروم پيمانه ني
بي وفا اولسا نيگاري بير كسين بيچاره دير
بولبولون حالين دوشونمز گول، دئمه افسانه ني
اوت توتار عشقين يولوندا جان ورر بيچاره شمع
اما عاشيق سويليرهر كيم گوره پروانه ني
قانلي كونلوم گوزليير يول تا سنه قوربان اولا
گل بو هيجراندان خراب ائتمه داها كاشانه ني
هر كونول الدن وره يارين او بير ويرانه دير
بير نظريار ائلسه آباد ائدر ويرانه ني
گر مني چكسن دارا اولدورسن الدن توتمارام
اولدور نده اوپ محبتدن دل ديوانه ني
عاشيقه بير گون دئديم ترك ائله او ياري ، دئدي
بيلميسن عشق آتشي له يانديريپ غمخانه ني؟
هاميني ترك ائلرم هر كيمسه واردير دونيادا
اما من ترك ائدمرم او ساقي دوردانه ني
سنده گل ترك ائله مسجيد تا گئدخ ميخانه يه
توبه ائد ،سن محرم اول اوپ ديلبر جانانه ني
سونرا گل با هم "وفا" جاندان اولاخ قوربان اونا
آغلاياخ شايد اشيدسين گريه ي مستانه ني
bölümlər: şerlər